اوعى تستعجب او تتعجب لانها الحقيقه

أمس باشوف الاحداث اللي بتحصل ومبتابع تقارير الصحف والقنوات الاخبارية وقنوات التوك شو لحد ما دماغي خلاص مش قادر اركز في حاجه تاني غير مواضيع الثورة واللي بيحصل فيها وعلى ده الحال من يوم 23 يناير الى الان .

بس مش دي المشكله .

امبارح وانا بتابع التلفزيون لقيت حاجه عجيبه ان كل القنوات وفي وقت واحد حتى الجزيرة مباشر مصر مستضيفين شباب اطلقوا على نفسهم ابناء مبارك! (مش عارف من اي واحده المهم انهم ابناؤة ), المهم في الموضوع انهم مستضيفينهم في نفس التوقيت والعجيب ان نفس الكلام بيقولوه الشباب دول على كل القنوات وهو( احنا مع الثورة وطلبات الثورة المشروعه وزعلانين على الشهداء ومتضايقيين من الفساد اللي استشرى ولكن لسنا مع محاكمة رئيس مصر اللي حكم مدة 30 سنة وخدم البلد ..... الخ الكلام العجيب ده ) , المهم ان الكلام هو هو على نفس القنوات والمهم انهم مصدقين نفسهم ولكن واضح عليهم التمثيل باحتراف .

وفي الوقت ده بدأت اركز أوي مين دول وعايزين اية ومين بيحركهم , هداني تفكيري لتحيل الموقف كالاتي , ان ما يسمى بالثورة المضاده ورموز الحزن الواطي المنحل واتباع المخلوع مش بيلعبوا ولا بيهظروا , وانهم طلعوا فعلا اذكاء بدرجة تخليك تقول انهم فعلا استحقوا ان يحكموا البد كل الفترة دي بلا منازع , زكائهم يأتي انهم منظمين ومحددين الاهداف وعندهم منهجيه في التفكير الذي طرأ عليهم فجأه بعد ان بدأوا بتشغيل عقولهم التي كانو قد اعارهوا للمخلوع وعياله علشان موضوع التوريث والان هم اصبحوا مطالبين بالتفكير لاختراع حلول للفوز بالمرحلة لانهم يعلمون جيدا ان هذه المحله فاصله وزي شيكسبير ما قالي( to be or not to be ) اكون او لا اكون , ما يعني انهم يدركون أهمية المرحلة ومن هنا يظهر ذكاءهم الغير عادي اللي لو واحد فكر هكتشف انهم مش بيلعبوا وابسط شئ واضح للعيان أنهم تركو منذ قيام الثورة ساحة الاعلام والصحافه ودخلو غرفة العمليات الخاصه بهم لتكون هدنه من جانب وتخطيط وتدبير من جانب آخر , ولم يتركوا الاعلام فقط بل ايضا استطاعوا ان يزجوا بقنواتهم وغير قنواتهم لتكون ساحة صراع بين من قاموا بالثورة بعض ان هدموا شعار ايد واحده بطرقهم المختلفه بعد ان قسموا المجتمع الى مسلمين ومسيحيين ( ودي ما نفعتش قوي ) , واسلامييين وليبراليين ( ودي شغاله كويس) , و مسلمين سنه وشيعه وصوفيه ( ودي شوية تشتغل وشوية تهدأ ) ,وبين احزاب وائتلافات ,وبين شباب ومجلس شورى ( زي مافي الاخوان) .

وتركوا كل هذة التقسيمات تتصارع على الغنائم التي خلفتها الثورة ومين خايف من مين ومين اقرب للشعب ومين بعيد ومين محبوب ومجلس شعب ومجلس شورى ورئاسة جمهورية , نظام صهيوني قديم قائم على نظرية فرق تسد وكانوا اذكى من الجميع حيث انهم اتفقوا ان يتركوا الساحه ليتصارع فيها القوى السياسية وتزداد فرقتهم اكثر فاكثر مع ادخال بعد العناصر الغير معروف للعن ولائهم للنظام القديم لتقوم بتأجيج هذه النيران واثارة الصراعات .

والان وبعد ان قبعوا في خنادقهم يخططوا ويرسموا الرق الذي سيسلكونه بدأ العمل على كل المحاور

• الاعلام

كما رأينا في البداية موضوع مرض المخلوع واستعطاف الشعب اللي ما جابش نتيجه , والان جمع اكبر عدد من شباب الحزن الواطي المنحل ( الحزب الوطني ) واعطائم تدريبات مثفه على الظهور في الاعلام في نفس التوقيت ونشر فكرة احنا مع الثورة بس وقفوا محاكمة المخلوع ,

واجبار القنوات بقصد او بدون على استضافتهم والبدئ في اعطائهم مساحة واسعه من الوقت لنشر افكارة

ومن ناحية الصحافه هناك بعض الصحف المعروفه التي كان اتجاهها واضح انها من فلوس رجال اعمال تابعين للنظام ولكن بعد الثورة حاولت حجز مقعد متقدم في درجات سب النظام وكشف فضائحه وهذا من اجل جذب الثوار والشعب لها لتحقيق مبيعات من ناحيه ومن ناحية اخرى لتبث السم في العسل وتبدأ من جديد كشف هدفها الرئيسي وهو امتصاص الثورة والحماس لدى التوار ومن ثم تبث لهم ما تريد من فقد الامل في التغيير او في العفو عن المخلوع او الوقيعه بين التيارات السياسية لتظل تيارات متناحرة طول القت وليس لهم هدف وغير قادرين على تقديم اي جديد . هذا فيما يخص ملف الاعلام وما يخططون له

• الاقتصاد والاستثمار والبنوك والضمانات

وهذا القطاع الليعب فيه مصيبة المصايب .. ليه؟ لانه قوت الشعب ولو اتأثرت لقمة العيش بالاحداث سوف تلعن الناس اليوم اللي قامت فيه الثورة على الرغم من ان لقمة العيش كانت ومازالت متأثرة وغير كافيه للناس من زمان ولكن الناس دلوقتي بتتكلم وانتظروا التغيير علشان يلاقوها ولما ما يلاقوهاش هيندموا اشد الندم . فبدأ المخطط بالسيطره على السلع الاستراتيجيه للشعب واهما البنزين وانبوبة الغاز اللي ما ظهرش غيابهم غير بعد سامح فهمي ما غار في ستين داهيه وفي الاول رغيف العيش اللي كانت الطوابير عليه قبل ما يتدخل الجيش لحلها ,

وضمانات البنوك للمستوردين والمصدرين والقتراض وارتفاع السلع التموينية لانهم بيشتروها ويخزنوها حتى يرتفع سعرها وبيعدين يطلعوها في الانتخابات علشان يفرقوها على الناخبين . وهلم جرة مما يتعلق بالبند ده .

• اللعبه السياسيه والدخول في احزاب .

وفيها انشاء احزاب كرتونية واعدة الاتحاد مع الاحزاب المواليه ليهم من الاول والتفريق بين الاحزاب الاخرى وبث سمهم في القوانين التي تصدر زي قانون الانتخابات اللي خلى كل الاحزاب تشك في بعضها وبين اللي رافض واللي موافق وائتلافات اسفين يا ريس ومعلش يا يا ابويا ومظاهرات في مصطفى محمود اللي اتفأست دلوقت وظهرت بشكل جديد في روكسي وكل هذا هدفه زعزعة الاستقرار السياسي واشاعة الفوضى زي ما قال المخلوع ( الاختيار بين الفوضى والاستقرار) يعني بصريح العبارة يا تتلموا يا اما فيها لاخفيها .

• الامن وما فيه من خفايا لم تعلن للان من بلطجة وشرطة سريه

علشان يثبتوا ان كان في عصرهم امن واستغلوا الانفلات الاخلاقي لدى بعض الناس واللي هم بيدعموه علشان يبان ان الشعب المصري كله عنده انفلات اخلاقي وما ينفعش معاه ديموقراطية وما ينفعش يتساب له الحبل ع الغارب لان كل واحد هيعمل اللي هو عايزة دون التقيد باي قانون او ادي او اخلاق او على الاقل دين .

هنلاقي في الجانب ده انهم وظفوا كل امكانياتهم المادية والمعنويه علشان يرعبوا الناس ويخلوهم يقولوا الله يلعن اليوم اللي قامت فيه الثورة

طب ازاي ؟ الحكاية بسيطه احنا عندنا 400 الف مرشد سري ومخبرين ومسجلين خطر كانوا بيشتغلوا عند الداخلية وليهم رواتب ثابته وفي ظل الظروف الاقتصادية اللي البلد فيها هنلاقي انهم وزعوا العدد ده على بعض مناطق الجمهورية ما بين سرقه وما بين قتل ونهب وشغل بلطجه على اعلى ما تكون البلطجه وانا قبل كده قلت البلطجية بتوع مصر هم الشبيحه بتوع سوريا عملهم النظام القديم بتوصية من الصهاينه علشان يستغلهم في الانتخابات ويرشدهم على تجار المخدرات اللي على قدهم مش الحيتان الكبيرة ويكونوا تحت الطلب في اي وقت ودلوقتي وقتهم علشان الداخليه تقول للناس عمليا كنت عايشين في امن وامان وده اهم من لقمة العيش حتى لكن انتم اللي اخترتم كده استحملوا بقى .

• قضية المخلوع والتخطيط للخروج منها باقل الخسائر

زي التأثير على اسر الشهداء زي فبركة شهود نفي او دلائل زي تغيير شهادة الشهود زي ما حصل من الشهود 4 الزور ومحاميين كويتيين وغيرة وغيرة من الاساليب لكي يتم تفتيت القضية زي مثلا 1700 محامي و1600 شهيد وكل جلسه يتم طلب معين على اساسه يتم التاجيل وهلم جرةه .ٌ

• العلاقات الدوليه والحدود وغيرها

زي الوقيعه بين مصر والدول العربيه زي السعودية والكويت على اساس انهم زعلانين من محاكمة مبارك وده غير صحيح او صحيح مش مشكلتنا زي ما اعطوا الضوء الاخضر لاسرائيل تدخل سيناء وتضرب اقسام الشرطة وتقتل ابنائنا . وبصراحه يعني ازاي مجموعه مسلحه تشتبك مع افراد امن وتعمل هجوم على قسم شرطة العريش ولا يتم على الاقل اصابة واحد من المهاجمين واعتقاله فهناك 100 علامة استفهام وبعدين الجيش يتحجج انه داخل سيناء علشان يطارد المجموعات دب والحقيقه انه داخل علشان تأمين خط الغاز اللي رايح للعدو

صدقوني انا تعبت من التفكير في المواضيع دي مش قادر اركز لدرجة اني بانام احلم بالثورة المصرية وبمبارك وبالنظام كله

حلمت مرة اني باصلي الجمعه وبعد الصلاه لقيت حسني مبارك واقف عايز يقول كلمه للناس قلتله هتقول اية لقيته بيقول انا ماليش زنب في كل اللي حصل في ناس مسؤوله عن الخراب اللي في البلد , رديت علية وقلت له مش انت كنت قائد البلد ؟ رد قال ايوه , قلت له لو هناك اتوبيس ماشي وسط الناس ومحمل ناس والسائق النوبيكبس عليه ومش راضي يقف على جنب ويغسل وجهه بشوية ميه ونام وراح عامل حادث ضخم قتل اللي راكبين معاه واللي ماشيين ع الارض يبقى هو المسؤول الاول عن كل ده وانت مهما عملت انت رايح في داهيه

واحلم مرة تانيه ان فيه شفرة اسمها ديدو قالها قوات الامن لبعض وبعدها بدأوا ضرب الناس بالرصاص الحي وبعدين عرفت ان ديدو معناها الاصابه بالرصاص في الوجه .

مش باقول لكم دماغي اتقلبت وبلاش تستعجبوا.

سلااااااااااااام