الوحيد المستفيد
بصراحة وما نقدرش ننكر ان مصائب قوم عند قوم فوائد , فبرغم كل الاحداث اللي بتحصل في مصر واللي مافيش حد مستفيد منها نهائيا لانها تعطيل لكل شيئ او زي ما بيقولوا عجلة التنمية متوقفة , الا ان فيه ناس يهمها اللي بيحصل ده يستمر رغم انها خايفة ع البلد بس للاسف هي مستفيدة طبعا هتستغربوا لما بقول خايفه ع البلد بس مستفيدة تيجي ازاي انا اقول لكم تيجي ازاي , لي واحد صاحبي خلص جامعه من 9 سنوات واشتغل في شركة مبيعات وبعدين الحالة اتدهورت في مصر فترك الشغل لان الوضع مابقاش زي الاول ولقى نفسه قاعد بدون شغل فكر يروح يشوف الاحداث عن قرب وهو مالوش دخل باي حاجه ثورة ولا مش ثورة هو مطحون زي ملايين المصريين المطحونين اللي مش فارقه معاهم مين يجي ومين يروح بس يعيشوا فلما راح الميادين واماكن الاعتصامات وجد ان اهم عامل مشترك في ده كله هو ان لما الناس بتنزل الميادين بتبقى عايزة تشتري ميه وعصائر واكل وفكر بسرعه وعمل عربية سندويتشات و بيبيع مياة وعصائر وبيقول انه عمل فلوس قد اللي عملها من 9 سنوات لليوم يعني من وقت ما اتخرج , ورغم ان زعلان على وضع البلد الا انه مستفاد من اللي بيحصل بشكر مباشر لانه قدر يجمع قرشين يسندوه لما الوضع يتحسن
تعليقات
إرسال تعليق